Bangunlah Pattimura Muda

Oleh Billy Marwa

Pattimura Muda, bangunlah

Bacaan Lainnya

• Ada penambahan 327 kasus HIV/AIDS pada periode April hingga Agustus
• Karena Tong Papua
• Kita

Tifa deng Tahuri Su Babunyi

Tanda Moyang-moyang su bakumpul di Gunung Saniri

Di Tuhaha.. Di Negri Beinusa Amalatu..

Kapitang-Kapitang su kasi manyala Obor..

Kasi manyala obor par katong Pattimura-Pattimura Muda

Api su nai Gandong ee..

Jang dudu lipa tangan pangku kaki la bilang hidop susah..

Jang dudu tongka dagu la bilang beta seng pung apa-apa..

Woeee… jang takisu.. Bagara…

Coba lia itu..

Rabe biji mata, buka la lia..

Api yang su manyala jang kasi padam akang lai..

Kas manyala akang di dalam katong pung dada..

Sebab Api itu.. Obor Pattimura..

Su harus jadi bagian dari dalam diri par bakar semangat..

Semangat par bangung ini Tanah..

Sebab di Tanah ini.. di Nabire.. di Papua..

Su jadi tampa garam par katong samua di rantau..

Jang biking susah diri deng biking susah orang di Tanah ini..

Jang rampas hak masyarakat Asli Tanah ini..

Sama-sama katong baku kele toma maju bangung Nabire..

Inga Orang Tatua Pung Janji..

Sei hale hatu, hatu lisa pei

Sei lesi sou, sou lisa ei

Sapa bale batu, batu gepe dia

Sapa langgar sumpah, sumpah bunu dia

• PATTIMURA MEMANG DARI MALUKU..
• TAPI PATTIMURA ADALAH INDONESIA..
• HIDUP.. HIDUP.. HIDUP..
• HIDUPLAH BANGSAKU..
• HIDUPLAH NEGERIKU..
• HIDUPLAH GENERASIKU..
• INDONESIA!!!! MERDEKA!!!!